بغــداد

بغــداد .. قصائد في حب الوطن :شعر لـ حكمت البيداري
 
الرئيسيةمكتبة الصورس .و .جبحـثالأعضاءالمجموعاتالتسجيلدخول
عداد الزوار ودولهم
free counters

المواضيع الأخيرة
» هيَ بغـــداد
الجمعة أكتوبر 24, 2008 12:05 am من طرف Admin

» وطني الِعازر,,
الجمعة أكتوبر 24, 2008 12:02 am من طرف Admin

» خسئتم يا جبناء ..
الجمعة أكتوبر 24, 2008 12:01 am من طرف Admin

» ليلكم علينا لن يطول
الخميس أكتوبر 23, 2008 11:59 pm من طرف Admin

» لعُيـــــون العراقيـــة
الخميس أكتوبر 23, 2008 11:58 pm من طرف Admin

» الى العراق .. سلامي
الخميس أكتوبر 23, 2008 11:57 pm من طرف Admin

» ]ياوطنا .. يا أهلنا
الخميس أكتوبر 23, 2008 11:55 pm من طرف Admin

» بغداد .. أخلعي عنكِ الظلم
الخميس أكتوبر 23, 2008 11:38 pm من طرف Admin

» ننسى عراقنا !
الخميس أكتوبر 23, 2008 11:37 pm من طرف Admin

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
منتدى
بحـث
 
 

نتائج البحث
 
Rechercher بحث متقدم

شاطر | 
 

 هذيچ الأيام ..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

عدد الرسائل : 24
تاريخ التسجيل : 05/05/2008

مُساهمةموضوع: هذيچ الأيام ..   الخميس أكتوبر 23, 2008 10:35 pm


هذيچ الأيام ..

رغم مرارتها
والمذله والهوان
رغم قسوتها
والسجن والسجان
رغم ماچنا محسوب
مثل البشر والأنسان
رغم كل هذا وذاك
نبقى نحن ونشتاگ
لهذيچ الأيام

چنا عايشين مجبورين
بس يمر بينا يومنا
چنا نغفى أنام نحلم
بس مو بنومنا
چنا نحلم بالوطن
يصير أحلى وطن
ونحلم بالرصيف والشارع
يصير أنظف من هدومنا
هذيچ الأيام

وين مارحنا
وين منروح
سوالفنه وحچينه
جروح بجروح
طبع بينا صار
بس نشكي، ونشتكي حالنا
هلبت تخلص الأسرار
هلبت التاريخ ينسى
يگوم ينفض أبنفسة
شبيه مابيه من أثار الدمار
وسنينه القذره والنگسه
عمرنا أنگضى وخلص
وهوا البقى ولي هسه
يصرخ يصيح
الثار .. الثار
لهذيچ الأيام

هذيچ الأيام
ياوسفه
حلوها مادام
ومرها
آخ من مرها
خلانا أيتام
خلانا أغراب
نلف العالم لف
إيد من ورا
وإيد من گدام
عايشين بطرگ الحزن
وين مانگعد گعد
وين ما گمنا گام
وين مانمه نام
گوة .. كوه يذكرنا
بهذيچ الأيام

بهذيچ الأيام
ساعة أمنا
أتصيح يمه
لصدرها أتضمنا
ساعة أبونا
يصيح أبوي
يشپگنا يشمنا
ساعة أختنا
أتصيح أخويه
ساعة اخونا
يصيح أخوي
هناك عمي، أهناك خالي
مايوم مر بيتنا خالي
الحبايب والگرايب
والأمن والرفاق
التقارير والنفاق
وين ما نلتاف
داير مايدورنا
بهذيچ الأيام

بهذيچ الأيام
جم صاحب أبصاحب ياصاحب
أخذوه وبعد ماشفناه
مثلهم وين وين الگه وأصاحب
شيفد الوسفى والآه
سوى أتربينا وكبرنا
أتحملنا وصبرنا
زرعنا وماحصدنا
تعبنا ومالعبنا
ياما وزعنه ولزگنا
على الدنگ والحيطان
مناشير تجمد الاوطان
ومطالب لحرية الانسان
سوى صحنا الله واكبر
الله اكبر من الطغيان
بهذيچ الأيام

على يا مال وشلون تنحسب
على ياحال وشچان الذنب
لاجل قومية لاجل نسب
لاجل عشيرة لاجل مذهب
هاي ياقومية هذا يانسب
يادين يرضى بالبشر يتعذب
لاجل كرسي حكم ومقعد
لو من خشب لو من ذهب
وين صار وين دار
وين اللي گعد
وين اللى لزگ وبيه چلب
بيا مزبله تالي آنذب
بيا نار انصهر بيا لهب
لاجل جاه لاجل سلطان
لازم يموت كل الشعب
معلوم ياشعب معلوم
الچلب من يومه مچلوب
مو من البارحه أنچلب
وتشهد الايام

حكمت البيداري
16-10-2006
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bagdad.bidaro.com
 
هذيچ الأيام ..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
بغــداد :: الفئة الأولى :: بغــداد .. قصائد في حب الوطن-
انتقل الى: